Í kvöld var önnur tískusýningin af þremur, kallinn er bara að taka framförum. Stressið var eitthvað minna í þetta skiptið og raun bara gaman að þessu. Kannski að maður ætti að skella sér til Rússlands og láta strekkja mann upp í 190, + að missa eins og 10-20 kíló og kannski láta græða smá hár á skallann fyrir afganginn. Er reyndar ekkert viss um að ég myndi fíla að vera Jón version 2.0. Síðasta sýning á morgun ásamt tilheyrandi húllum hæi svo ég giska á að það verði ekkert ritað neitt hér fyrr en í fyrsta lagi á sunnudaginn.
Svona í lokin þá er ég að sýna fyrir Helenu Lumelsky ef einhver hefur áhuga....

Jæja þá er fyrsta sýningin að baki og segja má að ég hafi komist nokkuð klakklaust frá henni. Ég hef reyndar örugglega litið út eins og albínói í þessum baige leðurbuxum hahaha, reyndar voru fötin hennar Helen mjög flott nema kannski það sem ég var í sem rann all saman í eitt. Whatever, kem sterkur inn á morgun.

Jæja þá er best að skrifa smá módel blogg haha. Eins og kannski sumir vita þá er Jóninn að fara Zoolanderast í útskriftarsýningu hérna í Handvörpu. Sýningin kemur til með að vera í dag, ámorgun og svo síðasta sýning á laugardaginn. Ég væri nú reyndar ekki að þessu nema útaf því að nágranna minn vantaði tilfinnanlega einhvern til að hjálpa til. Fór á æfingu í gær, svona til þess að menn vissu hvað þeir ættu að gera þegar þeir kæmu á sviðið. Svo núna á eftir á eftir að koma endanlega í ljós hvort ég verð hluti af sýningunni eða bara einhver fitubolla sem kemst ekki í fötin sem hún á að sýna..... Later dudes