Það verður að viðurkennast að kallinn er ekki búinn að vera að standa sig sem skildi á þessu bloggi. Ég ætla nú að bæta úr því og segja frá því sem á daga mína hefur drifið. Ég er sem stendur í viku fríi í skólanum og er ekki búinn að vera neitt sérstaklega duglegur, enda hver er tilgangurinn að vera í fríi ef maður er á útopnu. Fór loksins í það í dag að láta draga bílinn enda hann búinn að standa þar sem hann bilaði í 2. vikur (ok, ég veit að það er heldur langur tími). Ástæðan fyrir þessum langa tíma er að ég hef bara ekki haft neinn pening milli handanna í þessar 2. vikur og því lítið vit í því að fá einhvern til að draga hann og geta svo ekki borgað fyrir það. Svo að í morgun vaknaði ég eldsnemma (klukkan 10) og hringdi í fyrirtæki sem sér um að draga bíldruslur um borgina þvera og endilanga. Þegar ég var spurður hvar bíllinn væri þá var ég nú ekki með það alveg á hreinu(well bíllinn búinn að standa bilaður í 2. vikur einhvernstaðar í Borgerhout), any way þá segist ég ætla að fara þangað og hringja svo aftur. Svo ég trítla af stað í þessu líka blíðskapar veðri, 25 stiga hiti og sól. Eitthvað hefur sólin þó ofhitað heilabúið í mér þar sem ég fékk þá snilldar hugmynd að stytta mér leið, sem gerði það að verkum að í stað þess að vera kominn á áfangastað um 11, þá var ég kominn þangað 11:45. Meira helvítis short cuttið það, jæja ég kominn á staðinn og hringi þegar í gaurinn, hann segir mér svo að hann verði kominn á staðinn eftir 20 mín. Ekkert stórmál það enda yndislegt veður, svo líður tíminn, 12:15, 12:25, 12:35. Þegar klukkan er svo orðin 20 mín. í 1. þá hringi ég aftur, fæ þá að vita að þeir hefðu þurft að senda bíl í útkall fyrir lögregluna, bla, bla, bla og sagt að bíllinn verði kominn eftir að einn bílstjórinn yrði búinn í mat. Bíllinn kemur svo rúmelga eitt, gaurinn hendist út tekur af mér lyklana og áður en ég veit af er hann búinn að þeyta húddinu upp, tengja eitthvað start unit við geyminn og .......vrooooooooom, Mondeoinn malaði eins og köttur. Ég náttúrulega hálf dofinn yfir þessum tilburðum spyr hvað þetta kosti nú, hann segist þurfa að tala við bossinn. Eftir stutt samtal við bossinn lítur hann á mog og segir .............75 evrur....... WHAT, var hann að bjóða 75 evrur í bílinn eða var hann að tala um að þetta kostaði 75 evrur, ég var ekki alveg að átta mig á því hvort það væri enda hvort tveggja hljómaði jafn fáránlega í mínum eyrum. Jæja það þíðir nú lítið að vera að röfla eitthvað um þetta svo ég borgaði honum og keyrði svo burt á silfurvagninum. Núna er staðan sú að ég verð að splæsa í eitt stykki rafgeymi, sem ég geri væntanlega á morgun þar sem ég verð að koma bílnum í lag áður en skólinn byrjar aftur í næstu viku..........
Ég er að átta mig á því að færslan er orðin ansi löng og ég ekki beint að nenna að skrifa meira.