Nú fer þessi jólageðveiki að taka enda þó fyrr hefði verið. Við skelltum okkur í Smáralindina til að skila bók sem ég gaf Kristrúnu í jólagjöf(Kristrún var nefnilega svolítið séð, hún var búin að segja mér að hana langaði Engla og Djöfla sem er eftir sama höfund og Davinci lykillinn. En til að vera viss um að geta lesið hana þá gaf hún mér hana í jólagjöf! En ég gaf henni náttúrulega þessa bók líka) Jæja við komum að skiptiborðinu og ég læt bókina af hendi og hún er skönnuð inn. Búðarkassinn kjammsar svo á strikamerkinu um stund og hrækir svo útúr sér verðinu "2990" mér dauðbrá enda hafði ég borgað 3690 krónur fyrir kvikyndið. Þetta misræmi var þó fljótt leiðrétt enda kallinn með kassakvittunina í rassvasanum :) En andskoti er þetta nú samt lélegt fyrir þá sem fengu bókina í jólagjöf og vita ekki betur og eru snuðaðir um 800 gullkrónur. Ég segi því svei svei svei og fær HAGkaup 2. miðlungsstórar drullukökur fyrir vikið. Eftir þessi viðskipti var svo verslað í matinn fyrir þessar 2990 + 800 gullkrónurnar sem reyndar dugðu ekki til svo ég varð að bæta 2010 gullkrónum í púkkið. Eftir þetta trítlaði ég í Jack & Jones til að athuga með skyrtu, þar fann ég líka þessa fínu skyrtu :) svo maður verði nú ekki eins og útigangsmaður í kvöld. Svo segja má að dagurinn hafi endað á góðu nótunum og mann farið að hlakka til kvöldsins. En allavega allavega allavega..... Gleðilegt nýtt ár allir (ok þið 3. sem skoðið bloggið)

Dagurinn í vinnunni einkenntist af svitastorknu fólki á hlaupum með alvarleg einkenni peningaofnæmis. Eru jólin ekki hátíð ljóss og friðar eða er ég bara að misskilja eins og svo oft áður. Ég hugsaði mrð hryllingi til lagstúfins "Ég vildi að alla daga væru jól" ég er ekki viss um að það myndi ganga lengi þar sem flestir myndu væntanlega enda útúrtaugaðir og staurblankir búandi í pappakassa fyrir utan Bónus betlandi fyrir mat. Kannski myndi Jóhannes í Bónus skella sér í líki jólasveinsins og splæsa pakka núðlum á liðið. Ég þakka nú bara fyrir að þetta stendur ekki yfir lengur en raun ber vitni.

þá er fyrsti vinnudagurinn liðinn stórslysalaust sem betur fer. Það var annars ótrúlegt hvað fólk hafði mikla þolinmæði í að láta mig afgreiða sig. Ég kom heim rúmlega tíu, fór beint í að keyra Kristrúnu og Írisi í afmæli hjá Evu. Kristrún kom svo heim rúmlega 1. alveg búin á því enda kannski búin að drekka of mikið í þetta skipti. Well þetta kemur fyrir okkur öll er það ekki.

Jæja þá er heldur betur farið að styttast í að maður yfirgefi Einhaus og reyndar Meyboom. Málið er nefnilega að ég er að fara að flytja inn í Ninnu hús, þar sem Ninnster er að flytja til Antwerpen. Þessi flutningur ætlar þó ekki að ganga eins vel og ég hefði viljað þar sem það er ekki heiglum hent að losa sig út úr Chello kóngulóarvefnum. Málið er nefnilega að þegar ég gerði samninginn í byrjun á síðasta ári hélt ég að ég væri að gera samning til eins árs. Svo kemur í ljós að fyrst ég skipti um þjónustuleið í sumar áður en ég fór heim og svo aftur þegar að ég kom út að ég var í raun að gera nýjan 1. árs samning. Hvað er það, það er ekki eins og ég hafi verið að taka internetið inn aftur. Svo núna þarf ég að borga samninginn upp í topp ef ég næ ekki að fá einhvern til að taka hann yfir hérna í meyboom. Helv..... hálfvitar..
En ef maður lítur framhjá öllu veseni þá er þó ljósið í myrkrinu að komast héðan úr útnára Einhaus og vera meira central. Maður getur eftir flutningin rölt í skólann og þarf ekki svo mikið að spá í veðri og vindum áður en haldið er af stað. Ég er byrjaður að pakka sem virðist bara ganga ágætlega og voandi næ ég að tæma herbergið áður en ég fer heim. Það er eitthvað heillandi við það að komast í nýtt umhverfi þegar ég kem heim úr jólafríinu :) En allt þetta vesen hlýtur að reddast, hef enga trú á öðru................. Over and out

Jæja hér kemur ein saga eða eigum við að segja örsaga og kannski meira ummæli. En allavega einhverntíma var Danni Prestssonur að tala um knattspyrnuhæfileika sína og segir "Ég knattspyrnumaður af guðs náð" þá segir Siggi Óla um hæl "Þú hefur nú fengið það í gegnum sambönd". Jæja ég get þó brosað út í annað þegar ég rifja þetta upp. Það er nú annað mál að Danni er löngu hættur í boltanum og kominn í lögfræði síðast þegar ég vissi. Spurning um hvort að strákurinn hafi skipt um lið. Ég glápti á eina ræmu í gær og fannst nú ekki mikið til hennar koma og varð fyrir miklum vonbrigðum. Í stuttu máli fjallar myndin um tjellingu sem drepur geimveru og fær bikar (vopn, verðlaun what ever) eins og glöggir kvikmyndaáhugamenn sjá þá er ég að tala um Alien Vs. Predator.

Voðalega er nú lítið að gerast í Einhaus þessa dagana. Komst að því hvaðan ísinn kemur svo hér kemur það. Er Brynju ísinn líka búinn til svona?




Djöfullinn ég held að ég sé búinn að týna helv..... veskinu mína, mikið andskoti hitti ég á góðan tíma til þess eða hitt þó heldur. Ég ætla að gefa þessu tíma þangað til á morgun, ef ég finn það ekki læt ég loka Visa kortinu og svona. Fyrir ykkur sem lásuð að ég ætlaði ekki að loka kortinu fyrr en á morgun og eruð byrjuð að slefa af hneykslun þá hringdi ég í Visa í dag til að athuga hvort kortið hefði verið notað, ekkert hefur gerst með þetta blessaða kort síðan á laugardaginn. Í öðrum fréttum er það helst að þegar ég ætlaði að fara að nota Racing hjólið mitt í gær þá virkaði það náttúrulega ekki svo ég lét Asíubúan gera við það svo ég gæti notað það. Maður lætur ekki traðka á draumum sínum um tour de france svo auðveldlega enda ekki ástæða til heldur.

Þá er maður kominn heim eftir ótrúlega tónleikaferð til Gent. Þetta voru ekki bara einhverjir tónleikar heldur voru þarna á ferð Apparat og Trabant og þvílík stemmning úfff. Þarna voru líka aðrar hljómsveitir og listamenn á borð við Múm (uppselt :( ) og svo var Mugison þarna á föstudeginum. Fyrri tónleikarnir voru með Apparat sem ég hafði ekki heyrt í áður, mikið djöfull voru þeir góðir og vídeó showið var einstaklega vel heppnað. Seinni tónleikarnir voru svo með Trabant og jesús minn ekki voru þeir til að valda manni vonbrigðum. Ragnar Kjartansson (aka. Rassi Prump) fór hreinlega á kostum á sviðinu og svo öllum að óvörum byrjaði hann að syngja stál og hnífur og ALLIR Íslendingarnir sungu hástöfum með, ótrúlegt móment sem maður gleymir seint. Það verður bara eitt sagt um þessa tónleika SNILLD!

Eftir tónleikana fórum við svo til Antwerpen þar sem við fengum okkur einn öl fyrir svefninn. Ég tók svo lestina til baka um hálf 3. leitið, á lestarstöðinni hitti ég einn af Íslendingunum(frænda Rúnars Snæland og maðurinn sem vann Rúnar á Norðurlandamótinu í júdó hérna um árið sem haldið var á Akureyri) sem var á tónleikunum. Hann sagði mér frá því að Dagur Kári Sigurðsson hafi reynt að drepa sig :) Þetta gerðist víst þegar menn voru á leiðinni heim á hótel Dagur spurði þá hvort hann ætti að setja lítið hljómborð sem hann hélt í augað á honum, svo henti hann því í áttina að honum en hitti ekki og datt hljómborðið í götuna og brotnaði lítillega. Svo örskömmu seinna þeytir hann því upp í loftið aftur og var nærri búinn að drepa gaurinn en hljómborðið smaug fram hjá hausnum á honum og smallaðist svo þegar það lent í götunni. Svona geta Íslendingar verið klikkaðir........... Hvað um það Apparat og Trabant takk fyrir mig.

Það mætti segja mér að þvottvél okkar meyboom búa sé að syngja sitt síðasta. Ég dreg þessa alyktun eftir að það tók rúma 12 TÍMA að þvo 2. sængurver og eitt koddaver. Ég þurfti reyndar að hjálpa vélinni aðeins þar sem hún virtist ekki halda áfram með prógrammið sjálf, hún væri sennilega enn þá að jappla á þvottinum ef ég hefði ekkert gert. Það er ágætt að maður er að flytja út enda alltaf major mál þegar á að kaupa eitthvað fyrir stóran hóp fólks. Það eru alltaf einhverjir sem neita að borga og segjast ekkert þurfa að nota þvottavél sem síðan kemur á daginn að er algjört kjaftæði, nískan er bara að fara með sumt fólk. Ú einu í annað þá eru íslenskar hljómsveitir með tónleika í Belgíu um helgina svo maður fer aftur til útlanda þessa helgi. Við Ninna ætlum að taka lestina á morgun og fara til Antwerpen og taka síðan aðra lest til Gent. Snillingarnir sem verða að spila þarna eru á meðal annars Múm og Trabant, ekki ónýtt að geta valið íslenskt meira að segja í útlöndum.
Ég komst að því að nágrönnum mínum er ekki treystandi, þegar ég fór fram að athuga með þvottinn (2. sænguver og 1. koddaver) sá ég mér til mikillar skelfingar að einn asíubúinn var að búta niður racing bike-ið mitt í varahluti. Ég náði að róa mig aðeins áður en ég benti honum góðfúslega á þá staðreynd. En hann er núna búinn að tjasla því saman aftur en ég á eftir að athuga hvort að hjólið virki nú eftir allt saman. Annars fær hann bara að gera við það..........

Jæja jæja jæja. Renndi í gegnum nokkrar bloggsíður Hornfirðinga áðan, þar á meðal Gunnars Arnar sem virðist eitthvað ringlaður þessa stundina. Well maður verður nú að fyrirgefa honum enda er hann væntanlega hálf vankaður af einhverjum lyfja kokteil. Þegar maður skoðar þessar síður virðist sem Höfn sé varla í byggð lengur þar sem flestir virðast fluttir til Reykjavíkur eða í námi erlendis. Ég hélt áfram að skoða síður og endaði svo loks á síðunni hjá Steina og Gunnsu þar sem ég tók prófið hvaða borg í Ameríku ert þú ?
Take the quiz: "Which American City Are You?"

Cleveland
You are blue collar and Rock n Roll. You Work hard and party harder.
En hvað um það .............. Núna er farið að styttast all rosalega í að maður komi heim aftur, ekki nema tæpar 2. vikur. Mikið rosalega ætla ég að vona að það verði snjór þessi jól enda nóg komið af rauðum jólum í bili.

Úff hvað maður hefur verið latur að skrifa eitthvað undanfarið. Ég fór til útlanda um helgina (Belgíu :) og gisti hjá Sölva og Steinunni. Við fórum út og spiluðum pool á föstudeginum með Seton-i, kvöld sem endaði á því að Sölvi og Seton voru orðnir ofurölvi svo ekki sé meira sagt. Vaknaði svo um 12 leitið á laugardeginum en gerði í raun ekkert, sat bara fyrir framan tölvuna og plataði svo Sölva og Seton til að fara út að kaupa pizzu. Strákarnir komu til baka með 4 pizzur sem runnu aðveldlega niður. Eftir þessa fínu máltíð horfðum við á The Terminal sem ekki allir voru sáttir við, reyndar voru þau öll að deyja úr leiðindum en við kláruðum nú samt að horfa á hana. Á sunnudeginum fórum við Sölvi til Huldu vegna þess að ég þurfti að taka myndir heima hjá henni vegna verkefnis sem ég er að vinna fyrir skólann. Hulda var svo ekki heima þegar við komum svo ég gat ekki tekið eins mikið af myndum og ég hefði viljað. En ég tók þó samt nógu margar enda þarf ég að fara þangað aftur til að taka upp vídeó næstu helgi. Ég kom svo aftur til Einhaus á mánudagsmorgun eftir vel heppnaða helgi í "útlöndum".

Það er alltaf gaman að því þegar maður finnur eitthvað á netinu sem færir mann örlítið nær Íslandi á meðan maður er erlendis. Ég er búinn að skoða fréttirnar á stöð 2 á Vísi.is sem er hrein snilld til að fá fréttirnar beint í æð. Ein fréttin frá 30 okt. er samt eitthvað einkennileg eða kannski eitt af því sem fram kemur þar. Í fréttinni er verið að tala um skoðun á breiðþotu sem að tekur um 80 manns 8 daga að skoða eða um 5000 klst, fréttamaðurinn segir svo að það myndi taka einn mann 4 ár að gera það sama. Það er eitthvað sem ekki gengur upp í þessu dæmi, einn maður sem vinnur 8 tíma á dag í eitt ár vinnur 2080 tíma á ári sem sem þíðir að sami maður gæti klárað verkið á 28,8 mánuðum en ekki 48. Þarna er munur upp á 19,2 mánuði sem er nú varla innan skekkjumarka eða hvað. Úr einu í annað þá er nú ekki mikið að gerast í Einhaus þessa dagana og allt með kyrrum kjörum.

Fátt er meira í umræðunni heima þessa stundina en þar aðgerðir SMÁÍS gegn stuldi og dreifingu á tónlist, kvikmyndum. Ég hef lesið ansi margt tengt þessu máli en það sem kemur mér spánskt fyrir sjónir er hvað netverjar spila sig heimska. Menn kenna nefnilega Skífunni og öðrum um ástandið en líta ekki í eigin barm til að sjá að það eru þeir sem eru að brjóta lög. Mér finnst það mjög eðlilegt að þeir aðilar sem standa að SMÁÍS reyni að vernda sína hagsmuni enda eru þeir í fullkomnum rétti til þess. Það á svo eftir að koma í ljós hvernig þetta mál fer fyrir dómi en það verður fróðlegt að fylgjast með framvindu mála. Svona að lokum læt ég fylgja með eitt af "FÓRNARLÖMBUNUM" hafði að segja um aðgerðirnar.
"Að lokum kæra fólk hvet ég ykkur til þess að SNIÐGANGA algjörlega allt og alla sem tengjast SMÁÍS (Samtök myndréttarhafa) , Samtóni, og Framleiðendafélaginu og sýna þessum 12 einstaklingum sem brotið var svo gróflega á, samkennd og stuðning í verki."
Samkvæmt þessu eru fórnarlömbin þeir sem eru að deila ógrynni af kvikmyndum, tónlist og öðru efni á netinu, hversu vitlaust getur fólk verið.

Ég verð að segja að öll umræða um jafnrétti er komin út í vitleysu. Hvernig má það vera að í hvert skipti sem kona sem er ein af umsækjendum fær ekki tiltekið starf þá "LEITI FÓLK RÉTTAR SÍNS". Reyndar eru það ekki bara konurnar heldur virðist þetta orðin einhverskonar leið til að fá bætur fyrir akkurat ekki neitt. Það er svolítið gaman að því að kona sem er jafnhæf eða hæfari á í raun að fá skipun í það embætti sem hún sækist eftir ef kynjahlutföll eru skökk. Eiga þá konur sem sækja kannski um einar kvenna RÉTT á því starfi sem um er sótt. Mér finnst ekkert eðlilegt við það ef að ein kona og 7 karlmenn sækja um sama starf að konan fái starfið einfaldlega vegna þess að hún er "jafn góð". Ég segi því við ykkur sem alltaf eruð vælandi yfir órétti "Hvernig væri nú að sækja um einhver störf sem þig gætuð fengið en ekki þau sem þið vitið að þið fáið ekki í von um bætur vegna þess!"
Lögmaður Hjördísar Hákonardóttur: Jafnréttislög brotin að nýju
Atli Gíslason hæstaréttarlögmaður, lögmaður Hjördísar Bjarkar Hákonardóttur dómstjóra, segir að Hjördís muni leita réttar síns af endurnýjuðum krafti í kjölfar þessarar embættisveitingar í Hæstarétti.
Atli sagði að með þessar embættisveitingu hefðu jafnréttislög verið brotin á Hjördísi í annað sinn.
"Jafnréttislögum er ætlað að jafna stöðu kynjanna og í Hæstarétti eru kynjahlutföllin skökk og meðan hún telst hæfari eða jafnhæf og Jón Steinar þá átti að skipa hana í embættið. Það segir hins vegar hvergi í lögum að það eigi að rétta hlut karllögmanna í Hæstarétti."
Morgunblaðið 30.09.2004

Jæja þá er sumarfríið á enda eða svona allt að því. Núna er aðeins rúmur sólarhringur þangað til maður fer aftur út til Einhauss. Ég verð nú að viðurkenna að ég hefði ekkert á móti því að vera hérna á Íslandi frekar en maður verður víst að klára dæmið. Sumarið hérna heima var bara ansi gott og ekki hægt að biðja um meira þar sem sólin sleikti skyrhvíta Íslendinga.
Ég fór í eina MJÖG stutta heimsókn á Höfn í vikunni, fór austur á sunnudaginn og kom aftur í bæinn á mánudagskvöldið. Ég fór til að heimsækja ömmu þar sem mér láðist að gera það þegar ég var fyrir austan um verslunarmannahelgina, talandi um heimsóknir þá á ég enn þá eftir að fara til Hörpu og Kristínar en ég vona að ég nái að kíkja til þeirra í dag. Ég hef nú alltaf verið lélegur heimsækjari svo ég skil ekkert í þeim að heimsækja mig ekki þar sem væntanlega er jafn langt til mín og til þeirra (eða er það ekki ?).

Jæja þá er menningarnótt að komast í banka minninganna og ekkert nema gott um það að segja. Ég fór seint niður í bæ eins og venjulega á menningarnótt aðeins til þess að fá að vita að kortinu mínu væri SYNJAÐ þannig að mín MENNINGARNÓTT endaði fyrr en mig hafði grunað. Eftir þessa synjun sem kom flatt upp á mig rölti ég heim niðurlútir enda mín drykkja ekki meiri þetta kvöldið. Kannski getur maður þakkað fyrir að ekki tókst betur til en þetta þar sem drykkja á kvöldi sem þessu getur verið ótæpileg með þeim fylgikvillum sem því fylgir. En núna hugsar maður um þá þúsara sem sparast hafa og maður glottir út i annað enda lítið annað hægt þegar bankarnir vilja ekki gefa manni meira fé en orðið er :)

Maður gæti nú haldið að margt íslendings hjartað hafi tekið nokkur auka slög í gærkvöldi þegar íslenska landsliðið vann það ítalska 2:0. Reyndar unnu okkar menn í handboltanum sinn fyrsta leik á ólympíuleikunum í gærmorgun svona rétt til að gefa tóninn.

>

Eiður átti góðan leik í gærkvöldi eins og allt íslenska liðið

Búinn að setja inn slatta af nýjum myndum inn á myndasíðuna mína.

http://www.picturetrail.com/skreppur

Jæja kominn heim eftir mjög vel heppnaða tónleika 50 Cent í Laugardagshöll. 50 Cent Centarinn steig á svið um 10 og lék við hvern sinn fingur ásamt Lloyd Banks og Young Buck úr G-Unit. Stóðu þeir félagar svo fyrir fínni skemmtun næstu 90 mín.

Síðustu 2 dagar hafa verið hálf ömurlegir þar sem maður hefur bara hangið heima hóstandi með óstöðvandi nefrennsli. það er vonandi að manni fari nú að batna vegna þess góða veðurs sem spáð er. Þíðir ekkert að hanga inni með einhverja flensu ef hitinn fer yfir 20 stig.

Djöfull er nú orðið langt síðan að maður ritaði eitthvað hérna. Jæja, skellti mér út í gær sem kannski er ekki frásögum færandi nema að ég hitti Danna sem ég hef ekki hitt í nokkur ár, ég segi nú ekki annað en svona pakk nennir maður nú ekki að þekkja. Vonandi hitti ég hann ekki aftur í bráð þar sem merkilegheitin eru alveg að fara með þetta grey sem gat ekki farið á fyllerí í gamla daga nema að fá áfengi, föt og peninga að láni. Well 4 drullukökur handa þér Danni.

Jæja þá er maður búinn að éta sinn skammt af páskaeggjum fyrir þetta árið. Annars er bara allt gott að frétta héðan frá Einhaus, fínt veður þannig séð og allt í gúddí. Kristrún fer heim í dag eftir 11 daga dvöl hérna í Einhaus og það verður örugglega hálf tómlegt hérna eftir að hún verður farin.

04.04.04
Nú er að vera vika liðin síðan maður kláraði skólann í bili og er maður kominn í 3. vikna frí. Ég náði modulinu sem ég var í svo fríið verður mun ánægjulegra en ella vegna þess, Kristrún er einnig í heimsókn sem er svona rúsínan í pylsuendanum. Ég setti inn myndir af dótinu sem ég gerði þessa önnina inn í myndir ef einhver hefur áhuga á því.
10.03.2004
Þá er maður kominn aftur til Einhauss eftir góða ferð til Frakklands. Ég vil byrja á því að þakka þeim sem tóku þátt í að svara spurningunum sem ég setti inn á gestabókina. Það er svo líka annað að ég er nokkuð viss um að ég setti inn tilkynningu frekar en smáauglýsingu á Horn.is svo að þeir á Horninu fá þakkir fyrir að birta þetta sem smáauglýsingu. Þeir sem komið hafa á síðuna hafa komist að þeirri niðurstöðu að best sé að borða heima hjá sér, ef ekki þá sé best að fara á KAFFI HORNIÐ enda þar úrvals kokkur til staðar.
03.03.2004
Setti inn tilkynningu á Horn.is til að fá sjómenn á Hornafirði til að svara nokkrum spurningum varðandi öryggisbúnað. Ekki margir búnir að svara en Jói Danner gaf sér tíma til að svara þeim og fær hann þakkir fyrir það :) Ég vona svo að aðrir sjómenn komi til með að geta séð á eftir nokkrum mínútum sem fara í að svara spurningunum. Vill einnig minna á að spjallið virkar enn þá svo ef þú vilt koma einhverju á framfæri þá er tækifæri þar.
20.02.2004
Fékk fína sendingu í dag, pakka fullan af harðfisk og fleiru góðgæti. Karnivalið er byrjaði í Einhaus í dag og maður gat séð fólk í búningum ganga um götur. Þetta minnir svolítið á hátíð á Höfn þar sem fólk á öllum aldri virðist taka þátt í þessum atburði. Fór í dag og bókaði skíðaferð til Frakklands 5. mars sem vonandi á eftir að heppanst vel. Bara að maður brjóti nú ekki eitthvað af beinum í brekkunum þar sem maður er nú ekkert of góður á bretti....
03.02.2004
Það hefur ansi lítið verið að gerast hérna inni á Einhausnum í langan tíma. Ástæðurnar nokkrar, þar á meðal skólinn kominn á fullt skrið að nýju og svo fékk ég góða heimsókn þegar Rúnarinn renndi sér hingað út í 5 daga. Hann getur þó ekki talist hafa verið heppinn með veður þar sem snjókoma og skítakuldi tóku á móti honum. En veðrið hefur nú batnað aftur og komið svona temmilegt vetrarveður eins og maður á von á hér í Einhaus. Þó svo að eitthvað sé nú meira að gera í skólanum vonast ég samt til þess að geta ritað eitthvað meira hérna en ég hef gert en það verður bara að koma í ljós hvernig það fer.
19.01.2004
Eru Hornfirðingar gersamlega að missa það ? Var að lesa í mogganum að fyrsti íshokkíleikurinn hafi verið spilaður heima í gær. Ekki nóg með það að menn hafi nú loksins spilað leik í þessari íþrótt heldur eru áform um að stofna skautafélag Hornafjarðar sem muni starfa í 2. deildum, listdansdeild og íshokkídeild. Ég hef verið að spá í því hvernig svona skautastarf á að ganga , á að vonast eftir köldum vetri eða á að senda iðkenndur til Reykjavíkur. Kannski að menn hafi heyrt af því að Kongóbúar ætli að fara hefja byggingu á stóru skautasvelli innandyra..............
18.01.2004
Það verður að segjast að helgin var heldur tíðindalítil hér í Einhaus eins og svo oft áður. Annars er frekar lítið að gerast hérna eins og er bæði í skólanum og svo sem annarsstaðar enda önnin rétt að skríða af stað. Það er þó skemmtilegt frá því að segja að Rúnar ætlar að koma hingað í lok janúar sem er ekkert annað en gott enda ekki oft sem maður fær heimsóknir að heiman. Heimsóknir á síðuna eru heldur ekki margar frekar en fyrri daginn og svo virðist sem þeir fáu sem hingað koma vilji ekki skrifa sig í gestabókina sem er synd því gaman væri að fá að vita hverjir villast hingað inn. Veðrið hefur verið hálf dapurt og segja má að það hafi rignt flest alla daga síðustu viku sem er nú ekkert alltof spennandi þegar maður fer um hjólandi.

Jæja þá loksins drullast maður til að rita eitthvað hérna. Vikan var heldur róleg og lítið að ske, frétti það í dag að það er þorrablót Íslendingafélagsins á morgun. Well er ekkert viss um að maður hefði farið jafnvel með meiri fyrirvara. Ætla að vakna snemma í fyrramálið og skella mér á second hand markað, ekki endilega af því að mig vanti eitthað, meira svona að snuðra í draslinu. Svo á þriðjudaginn verður svo mid term evaluation sem vonandi á eftir að ganga vel, ekki gaman að láta rústa sér þar...........

Ég var að komast að því að skólinn hefði tekið þá ákvörðun að takmarka fjölda nemenda á verkstæði skólans. Sú ákvörðun var tekin að að eins 15 manns geti unnið í hverju á sama tíma, einnig var það ákveðið að enginn skyldi geta komið þar inn nema að haf undir höndum teikningar. Þessi takmörkun gerir það að verkum að menn verða að panta tíma á verkstæðinu með einhverjum fyrirvara. Reyndar get ég ekki séð að þetta komi til með að geta gengið þar sem fólk í skólanum er nú ekki alltaf að vinna hluti sem endanleg mynd er komin á. Það að geta ekki prófað sig áfram og gert skissumódel er út í hött. Einnig er verður gaman að sjá hvernig ástandið verður í lok annarinnar þegar þeir 600 nemendur skólans þurfa að klára sín verkefni með þessu fyrirkomulagi. Skólinn fær 3 drullukökur fyrir þetta eindæma klúður.

Maður hefur nú verið ansi latur upp á síðkastið að skrifa. Þar sem langt er liðið síðan ég henti einhverju inn ætla ég að skrifa um hluti sem eru kannski ekki nýskeðir.
Þegar ég var heima um jólin var í fréttum að einhver íslensk stelpa hefði orðið fyrir gúmmíkúlu Ísraelshers, hvern andskotann var hún að gera þarna að reyna að leika einhverja hetju.
Ég ætlaði að gera góð kaup á útsölu BT og kaupa þar DVD skrifara sem var á góðu verði eða um 7000 kallinn. Útsalan byrjaði klukkan 11 og ég mætti upp í skeifu þar sem skrifarinn fékkst aðeins þar. Þegar ég kom þangað var búðin næstum tóm svo ég hugsaði með mér að ég myndi nú örugglega næla mér í eins og einn skrifara. Ég vatt mér upp að einum afgreiðslumanninum sem þarna var og spurði hann hvort þeir ættu ekki skrifarann umtalaða, hann snýr sér að öðrum afgreðislumanni og spyr hvort hann sé til. Svarið lét ekki á sér standa "NEI HANN ER BÚINN" mér brá náttúrulega við þetta og fór fúll út. Þegar ég fór að hugsa meira um þetta fór mig að gruna að ekki hafi þessir brennarar verið mikið fleiri en 2. Svo BT fær 3 drullukökur fyrir að plata mig alla leið upp í skeifu fyrir ekkert.
Hérna í Einhaus er allt með kyrrum kjörum, skólinn að byrja og allt að byrja að malla. Kominn með verkefni annarinnar í hendurnar svo maður þarf að hefjast handa á næstu dögum......

Jæja þá er það fyrsta blogg nýs árs. Áramótin fóru bara nokkuð vel fram að þessu sinni, þeim var fagnað ásamt nokkrum hræðum sem lögðu leið sína á Víkina. Kom aftur í bæinn í gær eftir að hafa legið í gotteríi og öðru góðgæti fyrir austan síðan 24.des. Dagurinn í dag búinn að vera ágætur svo sem, sótti sjónvarpið í viðgerð sem er nú varla fréttnæmt. Þegar ég kom á verkstæðið var allt ísilagt fyrir utan það, þegar ég skellti mér inn var það mitt fyrsta að nefna það við gaurinn í afgreiðslunni að mér þætti þetta nú ekki viðunandi að ekki væri búið að salta eða setja sand á svellið fyrir utan. Hann horfði á mig án þess að segja neitt enda komst hann ekki að því ég bætti því að ef ég dytti með sjónvarpið fyrir utan yrði það þeirra mál að greiða skemmdir ef einhverjar yrðu á sjónvarpinu. Eftir að hann komst svo loksins að sagði hann"þetta hefur nú verið í lagi hingað til" vel má það nú reyndar vera en er það einhver afsökun fyrir þessu ástandi? Well gaurinn spurði mig svo hvar bíllinn minn væri og ég sagði honum að hann væri við hliðina á verkstæðinu en ég ætlaði nú að koma með hann fyrir framan. Ég sótti nú grænu þrumuna og lagði fallega fyrir framan, opnaði afturhurðina og ætlaði að sækja sjónvarpið en viti menn vippar þá hinn óvenju fúli afgreiðslumaður sér út með sjónvarpið og henti því inn í bílinn. Mér þótti þetta vasklega gert svo ég sagði "þetta var vasklega gert" og þakkaði fyrir en fúli afgreiðslumaðurinn sagði ekki orð enda líklega löngu búinn að ákveða að ég væri algjört fífl og ekki væri orðum eyðandi í mig. Svona í lokin vill ég bara segja að þessir fúli anskoti sem vinnur á verkstæðinu hjá sjónvarpsmiðstöðinni fær tvær drullukökur fyrir þessa þjónustu.